Yashirsang, isitmasi oshkor qiladi

Davlat tomonidan ijtimoiy sohani, xususan sog'liqni saqlash tizimini rivojlantirish uchun ajratilayotgan mablag'lar zamirida birgina oliy maqsad yotadi inson qadri va uning salomatligi. Biroq, Oltiariq tumani 1-sonli shifoxonasidagi holatni kuzatar ekanmiz, bu boradagi ishlar «teskari yurish» kabi tamoyili asosida ketayotgandek taassurot uyg'otmoqda.

Sakkiz oylik sukut va chang bosgan millionlar. Ma'lumotlarga ko'ra, ushbu tibbiyot muassasasida davlat byudjeti hisobidan katta mablag' evaziga sotib olingan zamonaviy tibbiy texnikalar sakkiz oydan buyon ishlatilmasdan, chang bosib yotibdi. Vaholanki, ushbu texnik imkoniyatlar aholining uzog'ini yaqin qilishi, kasalliklarga erta tashxis qo'yishi lozim edi.

Tibbiyotda «oltin soat» tushunchasi bor. To'g'ri tashxis qo'yishdagi har bir soniya inson hayoti uchun muhim. Shifoxona ma'muriyati esa muammolarni ommadan berkitishmi bizga qorong'u? Byudjet mablag'larining yani aparatura samarasiz turishiga, balki bemorlarning sifatli xizmat olish huquqining buzilishiga ham sababchi bo'lmoqdami?